Las grondas midadas da nossa societad han modifitgà inevitablamain la relaziun tranter l’uman e la cuntrada.

Durant ils ultims decennis è l’interess sa concentrà oravant tut sin ils territoris urbans.

Las “restanzas” dal territori tessinais, ritgas d’istorgia e da valurs, èn savens vegnidas surlaschadas al destin, essend che lur funcziun economica specifica è ida a perder. Ozendi daventain nus dentant conscients che la natira, la cuntrada e l’istorgia èn resursas impurtantas.

Nossa sfida è quella da realisar in project che duai dar ina nova funcziun a la Collina Alta da Monte Carasso – cun resguard als aspects impurtants da l’istorgia e da la cuntrada, ma era cun schlantsch creativ per che nossas stentas na sa reduceschian betg ad ina emprova nostalgica da restabilir in passà che na vegn mai pli a turnar.