Il territori patescha d’ina extrema stgarsezza d’aua, cunquai che l’aua da funtauna vegn manada – per motivs geologics - en la val da Sementina.

La fundaziun ha gia construì in conduct d’aua che parta dad ina da questas funtaunas, traversescha tut la muntogna e daventa in’infrastructura impurtanta per cumbatter ils incendis.

Il davos tract da quest aquaduct vegn tratg a niz da las pli autas vignas da Monte Carasso che pateschan era da la mancanza d’aua. Ultra da quai ha la fundaziun gia realisà il project d’electrificaziun da la Collina Alta, che permetta l’illuminaziun nocturna da la baselgia da San Barnárd.

Per garantir in provediment d’energia favuraivel a l’ambient (p.ex. senza motors a benzin) vegn mess a disposiziun a la chamona da refugi ed a las chasas da vacanzas mo current electric per ils basegns elementars (per il stgaudament vegn duvrà lain ch’è disponibel al lieu).

La fundaziun ha plinavant realisà la staziun da mez da la funiculara Monte Carasso-Mornera – era per evitar la construcziun da vias d’access tridas